O Club Número Phi de Caldas de Reis celebra os resultados conseguidos polos seus deportistas no Open Internacional de Bélxica de Taekwondo.
Especialmente destacado foi o torneo protagonizado por Katy Rebón Fedorova, volvendo á competición a un gran nivel tras un ano parada por lesión.
Rebón levou a medalla de prata no seu peso grazas aos combates que gañou fronte ás representantes de Luxemburgo, dúas de Polonia e Francia, cedendo soamente na final nun apertado enfrontamento contra a representante italiana.
Pola súa banda Roi Fraga, que debutaba a nivel internacional en categoría júnior, superou o primeiro combate ante un deportista suízo e caeu no segundo contra un taekwondista británico que lle apartou da loita polas medallas.
"Estamos moi contentos coa evolución e o resultado. Hai detalles que puír, e necesitamos ser máis ambiciosos. O traballo está aí e a calidade tamén. Agora só fai falta crérnolo un pouco máis", valorou tras o Open de Béliga a directora do Número Phi, Lúa Piñeiro.