O Festival Multideporte Europeo de tríatlon que se está a celebrar estes días na illa balear de Eivissa conta cun lixeiro acento pontevedrés.
Alí atópanse prestando o seu apoio un grupo de persoas voluntarias que traballan na organización dos campionatos do Mundo que terán lugar en Pontevedraen 2019.
Oito integrantes do voluntariado pontevedrés, entre os que se atopa a súa coordinadora Teresa Blanco, supuxeron un reforzo para os preto de 250 colaboradores que traballan estes días en Eivissa.
Entre as colaboracións que realizan atópanse traballos de avituallamento dos deportistas, protocolo ou seguridade, tarefas que servirán de experiencia para o que ocorrerá na Boa Vila o próximo ano, onde do 27 de abril ao 5 de maio disputaranse os mundiais de tríatlon de longa distancia, tríatlon cros, dúatlon, acuatlón e aquabike.