O Cisne comezou a perfilar o seu plantel para a próxima tempada, na que por segundo ano consecutivo xogará na División de Honra Prata.
Tras a fichaxe de Javier Fernández 'Jabato' como adestrador do equipo, a directiva comezou a negociar cos xogadores para dar forma ao equipo.
Así, Carlos Pombo e Álex Chan son os primeiros en confirmar a súa continuidade. Ambos aceptaron a oferta do club para renovar os seus contratos por unha tempada máis.
Ambos os xogadores, a pesar de recibir ofertas doutros clubs decidiron seguir no equipo e achegar o seu gran de area para que o Cisne logre de novo o obxectivo de manterse un ano máis na categoría de prata.
Será o segundo ano no Cisne para Pombo, formado na canteira do Teucro, e o oitavo para Chan que practicamente creceu no club branco.