A enfermería do Pontevedra Club de Fútbol sumou esta semana dous novos inquilinos, que salvo sorpresa perderanse as próximas xornadas de liga.
Trátase de Brais Abelenda e Borja Domínguez, ambos os dous con problemas musculares que lles obrigaron a pedir o cambio no último partido do campionato, contra a Balompédica Linense.
Aínda que desde o club granate séguense a gardar con receo os partes médicos dos seus futbolistas, a ausencia dos dous na sesión de traballo deste mércores celebrada na Xunqueira pon de manifesto que non están en condicións de competir, canto menos, esta semana na visita do Real Madrid Castilla ao Estadio Municipal de Pasarón (domingo 29, 17.00 horas).
Cabe recorcar que Abelenda, con molestias durante a pasada semana, forzou para estar sobre o verde ante La Balona, pero terminou pdidiendo o cambio cando só transcorreran 12 minutos de xogo. Pola súa banda Borja Domínguez retirouse na segunda metade, no minuto 58, despois de sentir un tirón na súa perna esquerda.
Ambos os dous foron os grandes ausentes da sesión deste mércores, sumándose a unha enfermería na que aínda segue Ángel Bastos. O lateral si estivo sobre o céspede da Xunqueira, pero só para realizar carreira continua evidenciando que aínda lle falta percorrer un pequeno camiño para recuperarse da forte escordadura sufrida no seu nocello a finais de ano.
Caso á parte segue sendo o senagalés Libasse Guèye, que polo momento nin está nin se lle espera.