Como consecuencia da situación xerada pola COVID-19, a comisión delegada da Federación Galega de Balonmán reuniuse o pasado venres para tomar unha decisión sobre como poñerlle punto e final ás ligas autonómicas.
Desta maneira, a comisión decidiu dar por finalizadas todas as competicións da tempada 2019/2020 sen efectos clasificatorios, outorgando á federación a opción de recoñecer tan só aos campións de liga matemáticos.
En canto aos descensos, non se materializarán, xa que ningún equipo chegou a perder os seus dereitos deportivos na categoría actual de maneira oficial.
Pola súa banda, coa intención de valorar os méritos deportivos realizados polos equipos da Segunda Autonómica Masculina (única categoría que provoca dereitos deportivos dunha tempada a outra), a comisión decidiu poñer dúas prazas de ascenso directo ao alcance de todos os equipos que conservaban as súas opcións a día 13 de marzo, data na que se suspendeu a competición.
Estas opcións pasarán pola disputa dunha competición previa ao comezo da tempada 2020/2021 entre os equipos involucrados: Asmubal Meaño, Bm Reconquista, Bm Camariñas e Carballal.
Desta maneira, a Primeira Autonómica quedará con 14 equipos á espera das posibles invitacións para a Primeira Nacional por parte da Federación Española. En caso de posibles renuncias ou invitacións en 1ª Autonómica Masculina, a federación propoñerá aos equipos de 2ª se coas dúas prazas de ascenso directo, a 1ª tivese menos de 12 equipos.
Por último, en canto á xira galega de balonmán praia 2020, a comisión decidiu cancelala, pero dá pé a que se celebre calquera torneo amigable a condición de que as condicións sanitarias e deportivas permítano.