O Club Baloncesto Arxil segue sumido na mala serie.
O conxunto pontevedrés caeu este sábado fronte ao Melilla por 72-64 nun partido que empezou dominando.
As visitantes comezaron o encontro con gran intensidade, lideradas por unha estelar Raquel Laneiro que non tiña oposición de cara ao aro. Cun parcial de 4-12 no ecuador do primeiro cuarto, o Arxil parecía ter as cousas baixo control, pero o Melilla non veu abaixo e recortou distancias até un punto. A pesar a insistencia das locais, as pontevedresas lograron manter unha lixeira vantaxe ao termo do primeiro cuarto (19-24).
No segundo cuarto, o guion do partido non variou demasiado. O Arxil seguiu mostrando un xogo sólido e efectivo, mentres que o Melilla tentaba achegarse no marcador. A falta de 46 segundos para o descanso, as locais lograron voltear o resultado, pero un triplo de Miriam García devolveu a renda ao seu equipo para irse ao descanso cun axustado 36-38.
Pero ao regreso dos vestiarios todo cambiou. O Melilla saíu como un revulsivo e comezou a dominar o xogo, anotando un parcial de 19-12 no terceiro cuarto que lle permitía tomar as rendas do partido e colocarse por diante no marcador.
A pesar dos intentos do Arxil por reaccionar, as locais mantiveron a súa vantaxe durante todo o último cuarto, levándose o triunfo por un 72-64 que coloca aos verdes en problemas.
Consulta as estatísticas neste enlace