Aínda queda lonxe, pero a segunda edición da Pontevedra 4 Picos Bike & Trail xa quenta motores coa apertura do prazo de inscrición.
Tras completar as 1.400 prazas dispoñibles na súa estrea a organización, a cargo de Global DXT en colaboración da Roda do Demo e o Instituto Municipal de Deportes, decidiu habilitar un total de 2.400 prazas na modalidade de BTT e 800 no Trail.
Ademais habítanse nesta ocasión novas opcións de participación cunha proba combinada. En canto ás distancias, poderanse completar en BTT dous picos (65 quilómetros) ou os catro (125 quilómetros) de forma individual ou en parellas, mentres o trail poderase realizar de 17 ou de 33 quilómetros.
A fin de semana elixida para o evento será o do 16 e 17 de abril separando as probas, co sábado reservado para o ciclismo BTT e o domingo para a andaina de montaña.
Os interesados en inscribirse poden facelo a través da páxina web www.magmasports.es.