Os piragüistas pontevedreses concluíron este domingo a súa participación no Campionato de Europa de Sprint Olímpico que se disputou desde o xoves na localidade húngara de Szeged.
Antía Jácome, tras competir en dous finais o sábado (ouro en C2 200 e cuarta en C2 500 xunto a María Corbera), volveu subir á canoa individual na última xornada para disputar a final do C1 200.
Aínda que a pontevedresa tivo unha excelente saída, non puido manter o ritmo da polaca Dorota Borowska, quen, co seu forte palada, colocouse rapidamente en primeira posición, revalidando o seu título europeo cun tempo de 46.322.
Jácome chegou a ir en terceira posición, pero nos metros finais logrou exceder á rusa Yuliya Trushkina, converténdose así en subcampioa de Europa a +0.940 da polaca.