A triste noticia falecemento de Maite Méndez sacudiu fortemente ao deporte pontevedrés, pero tamén a todo o baloncesto nacional.
A adestradora pontevedresa levaba 24 tempadas á fronte do Club Baloncesto Arxil na Liga Feminina 2, catro décadas traballando polo baloncesto de base e especialmente feminino, deixando a súa marcha un profundo legado.
É por iso que a fase de ascenso á Liga Feminina Challenge que se celebra esta semana converterase nunha homenaxe á súa figura.
A fase final disputarase desde este xoves en Utebo, Zaragoza, e alí estará a pesar da dolorosa perda un Arxil que quere honrar o legado da súa adestradora.
Pero non só será o club pontevedrés o que renderá tributo a Maite Méndez, xa que a Federación Española de Baloncesto decidiu que "gardarase un minuto de silencio antes do comezo de todos os encontros que se celebren esta semana nas Competicións FEB, e na primeira xornada da Fase Final de Liga Feminina 2", sinala nun comunicado oficial.
No que respecta ao Arxil, o seu primeiro encontro do play-off mediralle este mesmo xoves 25 ás 18.15 horas ao Mipelletymas BF León.