A figura de Xosé Fernando Filgueira Valverde, o erudito pontevedrés ao que o próximo ano se lle dedica o Día das Letras Galegas, será analizada polo especialista Xermán Manoel Torreso próximo martes 28 ás 20.30 horas no Salón de actos da parroquia de Santa Baia de Arealonga.
Segundo o investigador, Filgueira Valverde pode ser un exemplo para todos polo seu afán de coñecer e amar a Galicia e á lingua galega.
A súa conferencia céntrase na vinculación do autor con dúas xeracións fundamentais para a cultura galega, a xeración do Seminario de Estudos Galegos, á que pertence Filgueira; e á xeración Nós, formada por algúns dos máis prestixiosos escritores de Galicia.
Nesta charla tratarase tamén a influencia de feitos históricos e de personaxes contemporáneos a Filgueira Valverde que influíron no seu xeito de vivir e na súa obra.