Xa está completo o cartel da cuarta edición do Festival Sons de Ánkar que se celebrará o 29 de abril no parque de Ánkar, na parroquia de San Salvador.
Tanxugueiras ofrecerá a actuación estelar desta cita musical pero tamén se confirma a presenza doutras dúas agrupacións de gran nivel como Xabier Díaz e As Adufeiras de Salitre e Treixadura.
Os concertos comezarán o sábado 29 ás 19.00 horas con entrada libre. O concelleiro de Festexos de Poio, Xosé Luís Martínez, lembra que esa fin de semana será máis longo do habitual debido á ponte de maio e espera unha gran asistencia de público.
Nesta edición, o festival cambia de datas pasando do verán á primavera. Recupera tamén a Xabier Díaz e As Adufeiras de Salitre xa formaron parte da primeira edición deste evento ofrecendo un directo cargado de potencia.
O Sons de Ánkar inclúese agora en'Primavera en Poio', que incluirá numerosas actuacións:
- América de Vigo - 31 de marzo no porto de Raxó
- Los Satélites - 1 de abril, praza da igrexa de San Salvador
- Panorama - 2 de abril, Praza da Chousa de Combarro
- Marbella - 30 de abril. Praza Alfredo Romay de Samieira
- París de Noia e Los Coleguitas - 16 de maio, Praza da Granxa de Campelo.