Un vernes máis os afeccionados ao xénero de conspiracións da capital pontevedresa terán unha cita co ciclo 'Entre Tebras', no que repásanse algunhas das obras clave do cinema negro.
O título que se proxectará este venres 28 será 'Traidor no inferno', do emblemático director austriaco Billy Wilder. A sesión, que dará comezo ás 19.00 na Casa das Campás, terá entrada de balde ata completar o aforo.
En 'Traidor no Inferno' asistimos ao día a día dun grupo de aviadores estadounidenses nun campo de prisioneiros alemán durante a Segunda Guerra Mundial. Despóis dun errado intento de fuga comeza a xurdir a sospeita de que, entre eles, se atopa un traidor que colabora cos nazis.
O seis veces oscarizado Billy Wilder adapta unha obra de Broadway que oscila entre a comedia e o drama e que foi un éxito de crítica e público que se saldou co Oscar ao mellor actor protagonista para William Holden.
Ficha
Título: Traidor no Inferno (Stalag 17)
Director: Billy Wilder
Ano: 1954
País: Estados Unidos
Duración: 120 min.