A compañía Theatre Jaleo presenta este venres 1 e o sábado 2 en Chan da Barcia, en Ponte Caldelas, o seu espectáculo 'Edén', un cabaré ambulante para unha bailarina, nove monicreques e sete pecados. Así presentan desde a compañía un espectáculo con diferentes propostas de danza, música e interpretacións nas que se analizan os pecados da poboación.
Esta montaxe, que participou nos máis prestixiosos festivais de monicreques e teatro da península, bebe directamente do espírito de La Barraca de Lorca. O escenario preséntase #ante unhas grandas con capacidade para un centenar de espectadores. A compañía foi fundada por Alice Zapata, bailarina, e Arno Vidal, actor, que contan cunha longa traxectoria profesional polos escenarios internacionais.
As entradas pódense reservar chamando ao 622.247.773 a un prezo de seis euros por persoa. A función comezará ás 22.00 horas.
Esta montaxe chegará á Praza dá II República de Vilagarcía de Arousa durante tres días, entre o venres 8 e o domingo 10 de xullo.