Polo Correo do Vento presenta o noveno título da serie 'Mulleres Galegas'. Nesta ocasión, a publicación céntrase na figura de Xela Arias, autora á que se dedica este 2021 o Día das Letras Galegas.
Baixo o título 'Xela Arias. Liberdade, solidariedade e amor pola lingua', o colectivo pontevedrés narra e ofrece ilustracións, realizadas por Tania Solla, sobre a biografía da escritora nacida en Sarria, adaptada para un público escolar.
Este traballo sae ao mercado editorial por un prezo de cinco euros, ademais Polo Correo do Vento ofrece a opción de tratar no ámbito escolar a figura de Xela Arias cunha actividade de contacontos ilustrado.