Mostrar as dificultades que ofrece o machismo instalado na sociedade para que sete mulleres poidan practicar o deporte que lles gusta, o fútbol.
Ese foi o eixo sobre o que virou a oferta teatral que os espectadores pontevedreses puideron gozar este venres no Pazo da Cultura.
Sobre o seu escenario, a obra Playoff da compañía LaJoven, unha traxicomedia ambientada no vestiario dun equipo de fútbol feminino e que, tras triunfar en Madrid e emprender unha exitosa xira por toda España, logrou dar unha patada figurada a ese machismo.
Centos de persoas gozaron coa actuación dun elenco formado por Cristina Bertol, Neus Cortès, Ana Escriu, Yolanda Fernández, María Romero, María Valero e Cristina Varona, que deron vida a estas sete mulleres con vidas diferentes e unidas pola súa paixón deportiva.
Así, desde a nai primeriza que sente culpable por xogar un partido, a deportista ambiciosa que se lamenta da falta de consideración co deporte feminino ou a porteira obsesionada coa súa imaxe e as redes sociais, estes personaxes fixeron reflexionar ao público sobre o deporte feminino, a brecha de xénero ou os estereotipos sociais.