A igrexa de San Francisco quedou sen ocos baleiros este domingo ante a chegada de fieis e amantes da música que quixeron asistir a un acontecemento único no interior do templo: o 90 aniversario da primeira actuación da Coral Polifónica de Pontevedra.
A igrexa completou o aforamento para o concerto, no que se alternaron obras clásicas do repertorio da Coral Polifónica con novas pezas. A actuación estivo dedicado a todas aquelas personas que colaboraron coa agrupación nas súas nove décadas de vida e dun xeito moi especial ao intelectual Xosé Filgueira Valverde, presidente da sociedade durante 19 anos (1978-1996).
A Coral Polifónica, que está agora dirixida por Nanette Sánchez Ordaz, conta no seu currículo con máis de 700 concertos e actuacións de carácter internacional en lugares como Portugal, Arxentina ou Uruguai. Co aval desa traxectoria, regresou ao mesmo lugar onde naceu, pois o seu primeiro concerto público realizouse o 9 de abril de 1925, Xoves Santo, na igrexa conventual de San Francisco.