Volverá. Non nas súas datas habituais, pero volverá. O Festival Internacional de Jazz e Blues de Pontevedra, que tradicionalmente se celebraba a finais de xullo, cambia de mes. Será en agosto.
A vixésimo novena edición deste festival pasará a organizarse como antesala das Festas da Peregrina, entre o luns 7 e o venres 11 de agosto.
Así o anunciaron os seus organizadores a través das súas redes sociais, onde anticiparon que a Praza da Ferrería volverá ser o epicentro de todos os seus concertos.
O cartel do XXIX Festival Internacional de Jazz e Blues de Pontevedra presentarase nos próximos días.
Na súa edición de 2022, o festival ofreceu as actuacións de artistas da talla de Samantha Fish, Andrea Motis, Jeffery Davis Quartet, André B. Silva ou Ida Nielsen.