O Espazo Cuntis Xove situado na Casa do Médico organizará este martes unha xornada con actividades especiais para conmemorar o Día das Letras Galegas.
A partir das 17.00 horas as instalacións converteranse nunha "festa das letras" orientada aos rapaces a partir de 14 anos, con actividades didácticas e culturais pero cun marcado carácter lúdico.
Os que se animen a participar poderán ademáis participar nun sorteo especial, no que a organización da actividade repartirá entre os asistentes un rasca que dará opción a facerse cunha bolsa con recheo sorpresa.
Desde o Concello de Cuntis animan á mocidade do municipio a achegarse ata a Casa do Médico e converter a tarde do 17 de maio nun punto de encontro e nun momento de diversión.