Amenizar as festas do Nadal aos máis pequenos e a toda a familia é o obxectivo do ciclo Nadal no Principal, incluído dentro da programación Tempo de Nadal da concellería de Cultura de Pontevedra.
En total programáronse 9 espectáculos con ata 15 pases con contacontos, contos con música, teatro, monicreques ou cantigas da man de compañías da cidade como Pavís Pavós, Polo Correo do Vento, Babobab e Migallas Teatro.
Os diferentes espectáculos celebraranse entre o 26 de decembro e o 10 de xaneiro, case todos con pases ás 12.00 e 18.00 horas, cun aforo reducido no Teatro Principal de Pontevedra a 98 espectadores debido ás restricións.
Os espectáculos que forman parte deste ciclo son:
- 26 de decembro: Historia da Marquesa, de Pavís Pavós
- 27 de decembro: Historias para escorrentar o frío, de Pavís Pavós
- 29 de decembro: Periplo de Nadal, de Polo Correo do Vento
- 29 de decembro: O esquío rampante, de Polo Correo do Vento
- 31 de decembro: O lobo e a lúa, de Baobab Teatro
- 2 de xaneiro: Cantacontos, de Migallas Teatro
- 3 de xaneiro: Merenda con pan de millo, de Migallas Teatro
- 9 de xaneiro: Pum, Pum, de Baobab Teatro
- 10 de xaneiro: Luppo, de Baobab Teatro
As entradas de Nadal do Principal acábanse de poñer á venda a un prezo único de 3 euros na plataforma de ataquilla.com.