O director pontevedrés Mario Iglesias proba sorte no mundo das webseries. Faino cun proxecto titulado El origen del problema. O seu primeiro episodio estrearase este sábado 15 de outubro, a partir das oito da tarde, no Teatro Principal de Pontevedra.
En El origen del problema, conflitos, dúbidas, temores e toda clase de problemáticas levan a persoas correntes -e non tan correntes- a achegarse a un gabinete de psicoterapia coa fin de compartir as súas inquedanzas e calmar as súas vidas das cargas que os aflixen.
Neste proxecto audiovisual colaboran o Concello de Pontevedra e a Pontevedra Film Commision.
El origen del problema, producida por Alberto Plágaro e Miguel López, foi rodada durante os últimos anos en diversas localizacións da cidade de Pontevedra, entre elas diferentes rúas e prazas do centro histórico, a cafetería Blanco y Negro ou a cervexaría La Gramola.
A entrada para a estrea é de balde ata completar o aforamento do teatro.