O escritor pontevedrés Manel Loureiro foi galardoado co Premio de Novela Fernando Lara na súa vixésimo novena edición coa novela 'Cuando la tormenta pase'.
Así o decidiu o xurado do Premio Fernando Lara, presidido por Ana María Ruiz-Tagle, Clara Sánchez, Nativel Preciado, Pere Gimferrer e Emili Rosales, que actuou como secretario con voto.
O Premio de Novela Fernando Lara 2024 está dotado con cento vinte mil euros e presentáronse ao mesmo un total de 565 novelas, procedentes de España e do estranxeiro. De novo, o premio contou cun importante éxito de participación.
O acto de entrega do Premio Fernando Lara celebrouse este xoves,16 de maio, no Real Alcázar de Sevilla. A novela, editada por Editorial Planeta, chegará proximamente ás librerías.
Ao recoller o galardón, emocionado e agradecido, Manel Loureiro asegurou que "no me voy a olvidar de este día jamás. Me siento abrumado, acabo de ver aquí los nombres de quienes me han precedido en este premio, gigantes de la literatura".
Segundo explicou, a súa novela conta "la historia de un hombre, Roberto Lobeira, que se queda aislado en Ons, una isla frente a las costas gallegas habitada por muy pocas personas, e que pronto descubre que todos los habitantes que están en esa isla guardan un secreto".
"Ese niño que se refugiaba en la literatura, que se gastaba la asignación en libros, ha ganado el Fernando Lara", destacou o pontevedrés.
Manel Loureiro presentouse baixo o pseudónimo de Matías Martín e co título de ‘Los senderos de un dios oscuro’.
Este é o momento no que o xurado anunciaba a novela gañadora do Premio de Novela Fernando Lara 2024
