"Hay veces que la vida pesa más de lo normal", así comeza a letra da canción adianto do próximo álbum de Gustavo Almeida.
O título do tema é 'Siempre tú', unha balada composta con motivo do 15 aniversario da Asociación FRANGIL contra a leucemia, un colectivo que loita por sensiblizar a poboación sobre a importancia de doar médula.
Esta canción manifesta o positivismo realista do compositor de orixe brasileira.
O single é un adianto de 'Revértice', o vindeiro EP do cantante no que se incluirán cinco temas coa colaboración de outros artistas de relevancia no panorama musical internacional.
A estrea de 'Siempre tú' será o venres 7 de xuño, ás 21.00 horas, no Auditorio do Concello de Vigo durante a Gala de celebración do aniversario da asociación.
As entradas permanecen á venda na páxina web da Asociación FRANGIL.