A Fundación Manuel Moldes, en colaboración co Concello de Pontevedra e Taller Abierto, lanza unha serie de talleres creativos dirixidos a nenas e nenos de 6 a 12 anos.
O obxectivo é achegar a estes escolares á arte a través da obra do recoñecido pintor pontevedrés Manuel Moldes, falecido en 2017.
Estes talleres buscan fomentar o interese pola arte entre os máis pequenos, seguindo o legado educativo que Moldes deixou tras o seu paso pola Facultade de Belas Artes de Pontevedra, onde a sala de exposicións leva o seu nome.
Os talleres terán lugar na sede da Fundación Manuel Moldes en tres sesións programadas para os días 16 e 30 de novembro, e 21 de decembro, en horario de 11:30 a 13:00.
A actividade é de balde, pero as prazas son limitadas, polo que se recomenda realizar a inscrición canto antes.
Os participantes deberán estar acompañados por un adulto.
Para máis información e inscricións, os interesados poden contactar co número de teléfono 617 340 323.
Esta iniciativa ofrece unha oportunidade única para que os máis pequenos descubran o mundo da arte da man dun dos grandes referentes artísticos en Pontevedra.