Os Café Quijano foron os encargados de poñer o broche de ouro a esta edición tan atípica das Festas da Peregrina.
Os irmáns Manuel, Óscar e Raúl Quijano xa actuaron en Pontevedra hai dous anos dentro da mesma xira coa que este domingo recalaron no escenario da Praza de España, 'La vida no es la la la'.
Numeroso público acudiu para ver o espectáculo enchendo os arredores do recinto de seguridade habilitado para o público sentado.
Sobre o escenario os leoneses repasaron os seus 23 anos de cancións en dúas horas de concerto.