Este venres 22 de novembro, ás 19,00 horas, o Auditorio Sobrino Buhigas de Campo Lameiro acollerá o espectáculo 'Elas', protagonizado pola narradora oral Vero Rilo.
A actuación enmárcase dentro das iniciativas que a administración local organiza para dar visibilidade e conmemorar o Día Internacional contra a Violencia de Xénero, que se celebra o 25 de novembro.
Con esta representación, o Concello busca sensibilizar e concienciar á cidadanía sobre a importancia de loitar contra a violencia de xénero.
Nesta obra, Vero Rilo conta unha selección de historias de vida, de autora, tradicionais e recollidas da voz de mulleres que non tiveron nome.
Recolle cinco historias de mulleres que percorren desde a infancia ata a idade adulta ofrecendo experiencias sobre a maternidade, a loita feminista ou a sexualidade.
Vero Rilo leva desde o ano 2013 contando historias da vida con anécdotas e relatos para público familiar.
A entrada ao espectáculo é libre e gratuíta ata completar a capacidade do auditorio.
Este evento forma parte do programa +Escénicas e conta co apoio do Concello de Campo Lameiro.