Do 19 ao 21 de xullo, a Praia da Concha de Vilagarcía de Arousa volverá ser o punto de referencia da música en Galicia, grazas á celebración do Atlantic Fest 2024, un festival que combina natureza, música e unha contorna familiar.
A organización sinala que volverá establecerse como zona de acampada o Cámping Río Ulla, con autobuses gratuítos para os desprazamentos ata o recinto de celebración do festival.
Nesta cita,Los Planetas, unha das bandas máis representativas do indie español, celebrará os trinta anos da publicación do seu primeiro álbum, titulado 'Super 8'.
A organización avanza que o grupo granadino ofrecerá os temas en directo: De viaje, Qué puedo hacer, Si está bien, 10.000, Jesús, Estos últimos días, Brigitte, Rey Sombra, Desorden e La caja del diablo.
As entradas para o Atlantic Fest poñeranse á venda o venres 9 de febreiro ás 09.00 horas a través da web www.atlanticfest.com ao prezo de 40 euros só durante as primeiras 24 horas. Os menores de 12 anos terán acceso gratuíto ao recinto.