Chega unha nova edición do ciclo Domingos do Principal que, durante as próximas sete semanas, traerá a Pontevedra algún dos mellores espectáculos teatrais para o próximo infantil e familiar. Arrancará este domingo 15 de outubro.
Farao con Ás para Álex, da compañía pontevedresa Baobab Teatro. Será cunha dobre función, ás 12:00 e ás 18:30 horas, no Teatro Principal.
Ás para Álex, unha obra de teatro de actor e monicreques, está recomendado para espectadores de 4 anos en diante. É un dos espectáculos máis premiados de Baobab Teatro.
Nesta obra, o público coñecerá a historia de Álex, un neno de 8 anos ao que lle encanta correr, xogar, saír cos amigos, ir ao parque e, sobre todo, xogar ao fútbol. Pero un día, Álex ten que deixalo todo, porque o seu corpo non contesta, non camiña.
Iso fai que se enfade co mundo ao non entender que é o que lle pasa. Está tan absorto na súa situación que deixa de mirar á súa ao redor, ata que un día Laura aparece no seu camiño, e sen pedir permiso pero con moito coidado e agarimo entra de cheo na súa vida para cambiar a súa mirada.
As entradas para asistir ás funcións de Ás para Álexteñen un prezo de 4 euros e pódense adquirir a través da plataforma Ataquilla.com.