Este luns 23 de abril celebrouse o Día Internacional do Libro e moitas das librerías de Pontevedra uníronse para celebralo.
Ao longo da xornada organizáronse diversos eventos e actividades para todos os públicos, como recitais,encontros con escritores, firmas, sorteos, agasallos. Ademáis, os compradores gozaron dun 10% de desconto.
Na librería Paz preparáronse encontros entre escritores e periodistas e en D-Lectum ofreceuse un aperitivo con vermú e godello aos visitantes e, coma outros locais, sacaron os libros á rúa para animar á xente a botar unha ollada ás novidades.
Na librería Cronopios apuntan que o libro máis vendido na xornada de hoxe foi o de "Las hijas del capitán", de María Dueñas, seguido de "La investigación", de Phil Claudel. Pola compra agasallaron ós clientes cunha flor, agasallo típico de San Jordi, e tamén estrearon unha máquina expendedora de poemas. Ás 19:30 horas organizaron un recital de poesía coa autora Carmen Quinteiro.
Na librería Seijas organizaron un encontro ás 19:00 horas co escritor e tradutor Chema Heras, e coinciden con outros libreiros en que os exemplares máis vendidos nesta xornada son os destinados ao público infantil e xuvenil e que se mercan, sobre todo, para agasallar.