O auditorio de Afundación en Pontevedra acollerá o próximo sábado 23 de maio un concerto benéfico en beneficio da loita contra o cancro.
O encargado de ofrecer o recital será Antonio Seijo, ex-compoñente de Milladorio, coa súa actual banda Skylight.
A partir de ls 20:30 horas o músico, que cumpre 30 anos sobre os escenarios, presentará o espectáculo Tributo ao pop, no que se repasarán algúns dos temas máis emblemáticos de deste estilo de música como Livin' on a prayer, I will survive, Dolce vita, Don't go breaking my heart, Adagio ou Viva a vida, entre outros.
No concerto participarán diversos artistas co violín eléctrico como grande protagonista, e é que Seijo, compoñente durante sete anos de Milladorio e que colaborou con Julio Iglesias, Bonnie Tyler ou Tom Jones, é un recoñecido violinista internacional.
As entradas poden adquirirse a través de www.ataquilla.com, por teléfono no 902 504 500 e no propio auditorio o día da función.