Catro agrupacións de música tradicional participarán na terceira edición do "Troita Folk", que se celebrará os días 25 e 26 de maio en Ponte Caldelas, no marco da Festa da Troita, a festa gastronómica máis emblemática do municipio.
O certame, impulsado por Os Coribantes en colaboración co Concello, comezará sobre as oito da tarde do sábado 25 de maio.
Farao coas actuacións que ofrecerán o grupo de baile AC Xiada da Pobra do Caramiñal (A Coruña) e o grupo de baile anfitrión, Os Coribantes de Ponte Caldelas.
Xa o domingo 26 de maio, ás sete da tarde, será a quenda dos cantos de taberna da agrupación Cantanascroas de Salcedo e de Madialeva, chegados desde Meis.
Todo este festival ten carácter gratuíto e busca divulgar a música tradicional galega no municipio, aproveitando estas datas festivas.