O espectáculo 'DeMente', de Fran Sieira Compañía de Danza puxo este domingo 16 de abril o broche ao ciclo Danza Pontevedra.
Conferencias, obradoilros e espectáculos trataron de achegar esta semana a danza á cidadanía a través de diferentes actividades.
A última, e como prato forte, foi 'DeMente' no Pazo da Cultura. Trátase dun espectáculo recoñecido entre outras cousas como finalista dos Premios Max ou seleccionado para representar a Galicia no Festival Internacional de Teatro de Manizales de Colombia.
Coa súa proposta Fran Sieira Compañía de Danza, a través dun elenco de oito bailaríns e bailarinas e coa música de Cristian Silva Bóveda, propón un achegamento ao estigma que supoñen as patoloxías vinculadas coa saúde mental.
Cabe lembrar que segundo a Organización Mundial da Saúde (OMS) unha de cada catro persoas sofren, sufriron ou sufrirán nalgún momento da súa vida un trastorno destas características.