Só Atlantic Fest é capaz de reunir nun só evento o que máis nos gusta facer no verán: escoitar boa música, bañarse en praias de augas cristalinas e compartir experiencias inesquecibles acompañados de amigos. A mellor música en directo acompañará aos seus asistentes durante un percorrido de tres días -do 1 ao 3 de xullo- nos que A Illa de Arousa convértese nun xigante recinto de concertos.
O Atlantic Fest é a novidade do calendario de festivais das Rías Baixas, agrupados por vez primeira baixo unha marca común -Festivais Rías Baixas- e baixo o paraugas da Deputación de Pontevedra e Turismo Rías Baixas. Colle a testemuña do antigo Festival do Norte e aproveita unha combinación única de natureza, praias e gastronomía para ofrecer unha experiencia inesquecible para todos os públicos.
Máis de quince artistas actuarán na Illa de Arousa. O venres 1 de xullo abrirán o festival Malandrómena, Pantis e Bala en varios locais do municipio, mentres que Niño de Elche tocará no auditorio municipal. Xa o sábado, o escenario principal da praia do Bao recibirá a José González, Tindersticks, Nacho Vegas, Be Forest, Álex Cooper e Xoel López.
O domingo, na sesión vermú, será a quenda de Best Boy na praza de abastos e de Músculo!, Diola e Pálida, en tres tabernas.
Os horarios son os seguintes:
VENRES 1
21.00 horas, Auditorio: Niño de Elche.
22.15 horas, Fina Viñas: Malandrómeda
23.30 horas, Taberna dos Baláns: Pantis
00.45 horas, Con do Moucho: Bala
SÁBADO 2
12.45 horas: Be Forest
14.15 horas: Nacho Vegas
16.30 horas: Xoel López
18.45 horas: Alex Cooper
20.30 horas: Tindersticks
22.45 horas: José González
01.00 horas: Temples
DOMINGO 3
12.00 horas, Bar Cotan: Pálida
13.00 horas, Plaza de abastos: Best Boy
14.00 horas, Buona Vita: Diola
15.00 horas, Benalúa: Músculo!
Ademais, grazas a unha alianza coa Axencia Galega das Industrias Culturais (Agadic), o Atlantic Fest acollerá o mercado discográfico GalicianTunes, unha marca que ofrece a través de Internet referencias de 1.330 vídeos musicais galegos, 850 discos, 23 festivais e 334 artistas e grupos.
Os contidos desta plataforma dixital serán difundidos neste mercado, instalado nunha carpa que se completará cos expositores ocupados polos selos discográficos e por empresas do sector musical galego. Haberá lugar, así mesmo, para un programa de charlas e coloquios ou mesmo concertos en formato showcase de recoñecidos intérpretes galegos como Xoán Curiel (sábado, 13.35 horas) ou Silvia Penide (sábado 15.45 horas).
Ademais, haberá autobuses directos ao Atlantic Fest desde A Coruña, Santiago de Compostela, Vilagarcía de Arousa, Vigo, Pontevedra e Cambados; e unha zona de acampada privilexiada, situada nas inmediacións dunha praia de bandeira azul e cunha área reservada só para familias.
COLABORACIÓN CON MOVISTAR
Unha das actividades paralelas máis rechamantes é a que levará ao rider do Equipo Movistar de Fórmula Kite, Florian Trittel, actual campión de España, medalla de bronce no campionato europeo e cuarto a nivel mundial desta categoría, ao Atlantic Fest.
Trittel fará o sábado 2, ás 11:00 horas na praia do Bao, unha exhibición de kite surfing coa que o público asistente poderá gozar das espectaculares acrobacias que realiza sobre a táboa.
A compañía telefónica tamén estará presente no recinto principal do festival cun espazo no que os asistentes poderán vivir a experiencia de correr sobre o mar grazas a dous simuladores de motos de auga equipados con lentes de realidade virtual, e onde se situará ademais un teléfono xigante para facerse selfies.
O Atlantic Fest é a segunda cita cos Festivais Rías Baixas. Portamérica (Nigrán), Sinsal (Redondela), SonRías Baixas (Bueu), O Marisquiño (Vigo) e Revenidas (Vilagarcía de Arousa) son as seguintes citas desta oferta que, xunto con estilos musicais para todos os públicos, ofrecen unha experiencia turística e gastronómica inesquecible.