O Teatro Principal estreou este mércores un novo ciclo cultural. Tratouse de Teatro de Barrio, unha iniciativa impulsada pola Asociación Os Carballiños. Composta por cinco espectáculos, busca achegar ao público o traballo artístico das compañías de teatro afeccionado.
Os primeiros en subir ás táboas foron os compoñentes do grupo de teatro Salcedo Norte, que representaron con gran éxito o espectáculo Hoxe como noutrora.
Partindo da adaptación de catro fragmentos da obra de Varela Buxán, o autor galego chamado "o poeta do pobo", a compañía abordou temas relacionados coa emigración.
Outros aspectos da problemática social da Galicia da época que seguen vixentes na actualidade, como a soidade, a precariedade, o despoboamento rural ou o rexeitamento do propio, tamén estiveron presentes na estrea deste ciclo teatral.
Para este xoves a cita será coa Aula de Expresión, que representará a obra Licor de ameixa, a historia dunha familia contada a través de catro xeracións de mulleres.
Pon fin sós de Lúa chea (venres 15), Ladrón de corazóns do Grupo Xenio (sábado 16) e Non queremos perdices de Ilusionistas (domingo 17) son as montaxes que completan a programación da primera edición de Teatro de Barrio.