Ulises Bértolo é avogado e profesor de Dereito. 'La dama del norte' é a súa terceira novela e recrea o nome dunha muller que desde 1999 foi motivo de titulares. Naquel ano materializouse a denominada Operación Temple, o maior golpe ao narcotráfico tanto en España como en Europa. E ao fronte daquela organización delincuencial, a protagonista deste libro: Ana Garrido Álvarez. O autor mantivo conversacións con esta muller para desenvolver posteriormente a historia e tamén con efectivos policiais e xudiciais. Con todo non pretendeu unha crónica policial nin xudicial, nin tampouco xulgar ou absolver a Ana Garrido, máis ben "indagar na muller que hai detrás da narcotraficante".
Foto: Javier Ocaña