Cara a cara #22: Francesco Iannelli

Hai 19 anos que desembarcou en Pontevedra e afirma que sente que esta cidade é o lugar no que tiña e ten que estar. O nome de Francesco Iannelli leva outro apelido engadido Il Piccolo, o restaurante que xestiona e cuxa fama traspasou o Padornelo. Este restaurador, militar na súa Italia natal, é inquieto por natureza. En breve verá cumprido outro dos seus proxectos, un libro. "E así foi e así será...receitas de vida" é o título destas páxinas que falan de receitas culinarias e receitas vitais.