Cara a cara #155: Andrea Muras

Andrea Muras Mora é a bióloga pontevedresa que chegou á final do concurso de monólogo sobre Ciencia, FameLab España 2019. Os participantes nesta proposta, que organiza a Fundación Española para a Ciencia e a Tecnoloxía xunto co British Council e a Fundación A Caixa, han de demostrar nun máximo de tres minutos as súas habilidades para comunicar contidos científicos de forma amena e mesmo, si, é posible, con humor. Andrea Muras xa tiña pensada a participación algún tempo atrás, pero este ano díxose "si ou si". Atópase xa selecionada entre as oito persoas que chegaron á final para celebrar o próximo 14 de maio en Madrid.