Támara Echegoyen confirma a súa aposta por estar en París 2024
Por Diego Espiño
Foron meses de reflexión, pero Támara Echegoyen tomou a decisión de seguir competindo na vela olímpica e tentar clasificarse para París 2024, á que sería a súa cuarta experiencia nuns Xogos.
Así o confirmou a deportista pontevedresa este mércores nunha entrevista do xornalista Iván Antelo, en La Voz de Galicia, esfollando a margarida dunha decisión que estaba no aire desde que lograse o cuarto posto en Tokyo, por segunda vez ás portas das medallas na clase 49er FX, do mesmo xeito que sucedeu en Río 2016.
Echegoyen, ouro olímpico en Londres 2012 na modalidade de Match Race, fora incluída nunha preselección do equipo olímpico español de vela para o inicio do novo ciclo xunto á balear Paula Barceló, coa que xa competiu en Xapón e coa que se proclamou campioa mundial de 49er FX, a pesar de que aínda non decidiran se seguirían navegando xuntas.
Agora, desvelada a incógnita, toca poñerse a traballar para recuperar os meses perdidos e poñerse a ton canto antes, aínda que ao seu favor contan cos poucos cambios na normativa do 49er FX no que seguirán competindo.
Támara Echegoyen e Paula Barceló non estarán aínda na primeira gran cita da tempada de vela, o Trofeo Princesa Sofía, poñendo o seu obxectivo nos grandes retos do curso como o Campionato de Europa previsto en xullo en Dinamarca e no Mundial que se disputará en Canadá a principios do mes de setembro.
Relacionadas:
-
A Federación Española confirma a praza olímpica de Támara Echegoyen para París 2024
Por Diego Espiño |
-
Támara Echegoyen e Paula Barceló clasifican a España para os Xogos Olímpicos de París
Por Diego Espiño |
-
Achegarse a París 2024, reto de Támara Echegoyen no Mundial de Vela da Haia
Por Redacción |
-
Támara Echegoyen e Paula Barceló rozan a medalla no Europeo de 49erFX
Por Redacción |
-
Támara Echegoyen e Paula Barceló apuntan cara á Medal Race no Europeo de 49er FX
Por Redacción |
-
Támara Echegoyen inicia no Europeo 49er FX o seu camiño cara a París 2024
Por Redacción |
-
Lydia Pérez, cos Xogos Olímpicos entre cella e cella: "O único camiño é persistir. Se non é en París será en Los Ángeles"
Por Diego Espiño & Mónica Patxot |
-
Támara Echegoyen, preseleccionada polo equipo nacional para o novo ciclo olímpico de París 2024
Por Diego Espiño | Creada e actualizada
-
Támara Echegoyen queda a un punto do bronce e repite en Tokyo o cuarto posto de Río 2016
Por Diego Espiño |