As obras da piscina de Marín manteñen prazos a pesar da choiva
Por Redacción
A alcaldesa de Marín, María Ramallo, e a concelleira Marián Sanmartín realizaron unha visita ás obras que se están acometendo na piscina municipal.
Tras a mesma desde o goberno local aseguran que a pesar de que as choivas recentes atrasan os traballos previstos no exterior, como a impermeabilización, mantéñense os prazos de execución.
Segundo explica o Concello está previsto desmontar por completo a instalación actual de paneis solares por estar obsoletos, quitarase a estrutura de aluminio e vidro do tellado para cambiala por unha nova e farase o propio co lucernario que ilumina a bancada da piscina. Ao mesmo tempo, está prevista a execución dunha nova cuberta retirando todas as mallas metálicas que serven de peche e que non estean en boas condicións. Farase unha limpeza xeral das fachadas e renovaranse aqueles paneis que así o precisen.
No interior pola súa banda renovarase o pavimento dos vestiarios e demolerase o falso teito, e no ximnasio tamén se levantará o entarimado de madeira para substituílo por baldosas de gres antiescorregadizas.
As obras na piscina municipal de Marín está presupestadas en preto de 604.000 euros, que serán financiados a cargo do Plan Concellos da Deputación.
Relacionadas:
-
A xestión da piscina de Marín, a concurso por cinco anos e dous millóns de euros
Por Redacción |
-
En abril reabrirá a piscina municipal de Marín con tres xornadas de portas abertas
Por Redacción |
-
A piscina municipal de Marín reabrirá as súas portas a primeira semana de marzo
Por Redacción |
-
Desactivada a alerta por escaseza de auga no abastecemento do Lérez e activada para o xoves alerta laranxa por choiva
Por Oskar Viéitez |
-
A piscina municipal de Marín pechará por obras "en breve" e os traballadores irán ao ERTE
Por Redacción |