Unha web visibilizará e promocionará a hostalería local durante a Gran Final das Series Mundiais de Tríatlon
Por Diego Espiño
A concelleira de Deportes e Promoción Económica, Anabel Gulías, anunciou este xoves a creación dunha páxina web municipal que estará ligada á organización da Gran Final das Series Mundiais de Tríatlon co obxectivo de promocionar a hostalería local.
Esta plataforma pretende visibilizar as propostas gastronómicas da Boa Vila e poñelas ao dispor de todos os visitantes e competidores que se acheguen á cidade.
"Poñemos en marcha un formulario de inscrición para que todos os establecementos que estean interesados poidan inscribirse. É un formulario sinxelo que recolle información do local coma o nome, o logo, a situación na cidade, a carta, o tipo de cociña, os horarios e mesmo as linguas nas que poden atender aos comensais", explicou Gulías sobre unha das iniciativas expostas nas reunións que mantiveron con representantes do sector.
Unha vez o Concello conte con todos os datos (é posible participar ata o 31 de agosto) serán envorcados na páxina oficial da Gran Final das Series Mundiais, e ademais crearanse e distribuirán folletos en papel cun código QR que serán repartidos tanto no centro de recepción oficial dos atletas como en hoteis e albergues da cidade.
Trátase dun evento maiúsculo no que se prevé, lembrou a edil, "un retorno de máis de 15 millóns de euros, e o obxectivo da cidade é que a maior parte quede en Pontevedra", defendeu.
Relacionadas:
-
España presenta a súa armada para a Gran Final: "O público de Pontevedra vainos axudar moito"
Por Redacción |
-
Dispositivo especial de tráfico e mobilidade durante a Gran Final das Series Mundiais de Tríatlon
Por Almu Dapena & Mónica Patxot |
-
Unha cidade namorada do tríatlon
Por Redacción |
-
Medallistas olímpicos e mundiais, na lista de saída da Gran Final de Pontevedra
Por Diego Espiño |
-
Sanxenxo intégrase no comité organizador das Series Mundiais de tríatlon
Por Redacción |
-
Máis de medio milleiro de voluntarios para lograr que a Gran Final das Series Mundiais "sexa un éxito"
Por Diego Espiño |
-
A Gran Final das Series Mundiais de Tríatlon custará 2,8 millóns de euros
Por Diego Espiño |
-
"Esforzo extra" na coordinación policial para garantir a seguridade na Series Mundiais de Tríatlon
Por Redacción |
-
Amplían o horario nas terrazas con motivo das festas de verán e as Series Mundiais de Tríatlon
Por Redacción |
-
Asinado o convenio de colaboración entre Concello e Deputación para a Gran Final das Series Mundiais
Por Redacción |