Nova mexillonada popular este martes na celebración de San Bieito de Lérez
Por Cristina Saiz & Mónica Patxot & Anxo Lourido
O 11 de xullo, San Bieito de verán, festivo local, toda a parroquia de Lérez vístese de festa.
O Concello de Pontevedra organiza, un ano máis, actividades na contorna do río. Xa de mañá, ás 10.30 horas, a música da agrupación Os Alegres animará a contorna do mosteiro, onde está previsto que ás 07.00 horas comecen as cerimonias relixiosas. A misa solemne será ás 13.00 horas coa tradicional procesión e a presenza de miles de devotos do santo "máis milagreiro".
Nunha carpa ofrecerase sombra a aquelas persoas que se acheguen a gozar da romaría popular, que se iniciará ás 11.30 horas na contorna da praia fluvial do Lérez.
Ás 11.45 horas actuarán os Gaiteiros das Rías Baixas e tamén Os Alegres. E a partir das 12.00 horas está previsto un pasacalles por toda a parroquia de Pousos na Area acompañados polos Gaiteiros das Rías Baixas.
Sobre esa mesma hora iniciarase a mexillonada popular, de carácter gratuíto, que se alongará ata fin de existencias.
Pola tarde, ás 17.30 horas, o grupo Pola Vila realizará un recital nas proximidades do río e a xornada concluirá coa actuación da orquestra Triunfo no atrio do Mosteiro de San Bieito de Lérez, onde tampouco faltarán postos de venda de rosquillas, de degustación de polbo á feira, entre outros produtos tradicionais da romaría popular.
Relacionadas:
-
Poucos mexillóns para tanta festa
Por Cristina Saiz & Anxo Lourido |
-
San Bieito de Lérez esgota as botellas de aceite milagreiro ante a demanda de milleiros de devotos
Por Cristina Saiz & Anxo Lourido |
-
Abre o novo miradoiro sobre o Lérez tras acondicionar a antiga ponte do tren
Por Alejandro Espiño & Mónica Patxot |