Absolven a Falconetti e a súa muller de branquexar cartos do narcotráfico
Por Natalia Puga
O histórico narcotraficante arousán Luis Falcón, Falconetti, saíu airoso da última batalla xudicial que tiña pendiene. A Audiencia Provincial de Pontevedra absolveuno do delito continado de branqueo de capitais procedentes do narcotráfico polos que foi xulgado en outubro.
Falconetti sentouse no banco xunto á súa esposa, Digna Díaz, enfrontándose a unha condena a tres anos de prisión. Tras escoitar todas as declaracións e probas periciais, o fiscal mantivo a súa acusación e mesmo elevou a cantidade que consideraba que branquexara o matrimonio, cifrándoo en 4,5 millóns de euros entre os anos setenta e 1997.
O tribunal non considera probado que existise ese delito de branqueo, xa que non dá por bos ningún dos dous informes periciais sobre o patrimonio de Falconetti que saíron a relucir durante a vista oral.
En concreto, o fiscal presentaba un informe de 500 follas elaborado por unha subinspectora de Facenda e a defensa un estudo realizado por un perito que era, á súa vez, asesor legal de Falconetti.
Ambos os dous informes resultaban contraditorios e así tívoo en conta a Audiencia. Ao seu entender, as "importantes contradicións" entre ambos os dous e a falta de máis probas de cargo impídelle ter argumentos legais para condenar aos dous procesados.
O fiscal Antidroga da Audiencia, Luis Uriarte, presentará un recurso de casación ante o Tribunal Supremo contra a sentenza absolutoria da Sección Cuarta de la Audiencia.
Relacionadas:
-
O fiscal eleva a acusación contra Falconetti e a súa muller, reclámalles 13,5 millóns de euros
Por Natalia Puga |
-
Falconetti: "Cumplí seis años a pulso sin tener nada que ver con el tráfico de drogas"
Por Natalia Puga |
-
Xulgan a Falconetti e a súa esposa por branquear diñeiro do narcotráfico
Por Oskar Viéitez |