Abre o mercado solidario da AECC co obxectivo de "recadar un pouquiño máis que o ano pasado"
O Mercado Solidario da Asociación Española Contra o Cancro (AECC) abriu as súas portas este venres nunha nova localización: o baixo número 8 da rúa Cruz Gallástegui.
Como cada ano, o obxectivo da AECC é "recadar fondos para levar a cabo as accións de todo o ano, como son as campañas de prevención, as do Cancro de Mama, o apoio emocional que damos aos pacientes oncolóxicos e aos seus familiares, e o máis importante, a investigación, que alonga a supervivencia do paciente", explicaba a presidenta provincial, Carmen Abeledo.
Insiste en que non recollen nin roupa, nin xoguetes, nin enciclopedias, pero os libros e os complementos son ben recibidos. Este ano tamén teñen tres bicicletas para vender. Por iso, todas as persoas que desexen doar algún obxecto para a súa venda, poden achegarse ao local, onde serán atendidas polo persoal voluntario, que estará identificado cun chaleco verde.
"Os pontevedreses son tan solidarios que esperamos recadar un pouquiño máis que o ano pasado", polo que lles anima a achegarse a adquirir os primeiros artigos do Nadal nun mercado que estará aberto desde o 2 de decembro ata finais de xaneiro de luns a sábado en horario de 10:30 a 13:30 polas mañás e de 17:30 a 20:30 horas polas tardes.
Nada máis inaugurado o mercadillo xa venderon diversos obxectos como un cofre, un colgante, un altofalante, películas en DVD, algún paraugas, marcos de fotos ou un teléfono antigo.
Imaxes do Mercado Solidario da Asociación Española Contra o Cancro
O Mercado Solidario da Asociación Española Contra o Cancro (AECC) abriu as súas portas este venres nunha nova localización: o baixo número 8 da rúa Cruz Gallástegui
© Mónica Patxot
Relacionadas:
-
Inaugurado o mercado solidario da AECC en Pontevedra
Por Mónica Patxot & María José Pita |
-
A AECC en Pontevedra impartirá dous obradoiros gratuitos para pacientes oncolóxicos
Por Álvaro Arosa Barco |
-
Poñen en marcha novos "Roteiros Saudables" en Pontevedra para combater o sedentarismo
Por Redacción |
-
O Sergas e a Asociación Española contra o Cancro de Pontevedra referendan a súa colaboración conxunta durante todo o ano
Por Redacción |
-
A AECC inaugura en Marín unha exposición sobre os avances científicos na loita contra o cancro
Por Redacción |
-
A AECC pon o foco no cancro de mama metastásico, cunha supervivencia do 25 %, para pedir máis investigación
Por Redacción |
-
A Asociación Contra o Cancro denuncia as desigualdades que existen na investigación destas enfermidades
Por Oskar Viéitez |