A chuvia obriga a suspender a procesión de Xesús Nazareno e María Santísima da Esperanza
Por Mónica Patxot & Redacción
As inclemencias meteorolóxicas rexistradas durante este martes 12 de abril provocaron a suspensión da procesión de Xesús Nazareno e María Santísima da Esperanza.
Segundo indicaba Ramón Peón, coordinador da Semana Santa pontevedresa, minutos antes das 21.00 horas tras a misa da Confraría do Silencio celebrada en San Bartolomé, as fortes choivas caídas durante a última hora da tarde obrigaban a suspender o acto previsto polo centro histórico.
No seu lugar, os confrades trasladaron a imaxe de Xesús Nazareno ata o exterior para erguer a figura ao ceo ante os aplausos dos devotos. A continuación, volveron introducila no interior da igrexa de San Bartolomé.
A procesión prevista para este martes contaba coa participación da confraría do noso Pai Xesús do Silencio con acompañamento da confraría da Maior Dor e fieis.
Este mércores 13 agárdase unha melloría no tempo e está prevista a procesión da Santísima Virxe da Soidade e Xesús Nazareno coa Cruz ao lombo. Será a partir das 21.00 horas con saída da Basílica de Santa María e percorrido polo centro histórico por rúas como Isabel II, Rúa Real ou a praza de Curros Enríquez e regreso á avenida de Santa María.
Relacionadas:
-
O 'Encontro' entre Cristo coa Cruz ao lombo e a Virxe abre o Venres Santo pontevedrés
Por Mónica Patxot & Redacción |
-
Mércores Santo coa procesión da confraría da Maior Dor dando fin á coresma
Por Mónica Patxot & Redacción |
-
Recuperada a procesión do Cristo das Caídas coa imaxe tradicional
Por Mónica Patxot & Redacción |
-
A Burrita quedou en Campolongo este Domingo de Ramos
Por Oskar Viéitez & Cristina Saiz |
-
A procesión da Virxe das Dores percorreu este venres as rúas de Pontevedra
Por Oskar Viéitez |