Envorca un camión en Alba sen que se rexistren feridos
![](/web/cache/scene/uploads/fotos/foto/567/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/61d2d1d706-003.jpg)
© PontevedraViva
![](/web/cache/scene/uploads/fotos/foto/e7a/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/61d2d1d77d-005.jpg)
© PontevedraViva
Ao redor das 10.00 horas deste luns 3 de xaneiro, un camión envorcaba por causas aínda por determinar nun camiño de acceso á zona da Cross na parroquia de Alba, nun vial de entrada e saída cara ás instalacións do Grupo Nogar, nun punto que limita coa autoestrada AP-9 na zona da peaxe.
O camión transportaba millo e perdeu parte da carga ao envorcar na cuneta. O accidente saldouse sen feridos, segundo a información achegada pola Policía Local de Pontevedra. Realízanse ao longo da mañá labores de roza na zona para que o guindastre poida retirar o vehículo.
Debido a esta incidencia, outro vehículo pesado que circulaba na zona quedou bloqueado no estreito camiño ao tentar virar para dar a volta. Esta situación provocou que quedara cortado o vial e causaba retencións doutros vehículos de transporte nesta contorna, mentres non se lograba retirar o camión.
Camión envorcado en Alba
O suceso producíase nun camiño para acceder á zona da Cross sen que se rexistraran feridos
© PontevedraViva