Galicia levantará a próxima semana a emerxencia sanitaria pola covid-19
Por Alejandro Espiño
O camiño á nova normalidade xa ten data en Galicia. A Xunta levantará o estado de emerxencia sanitaria, en vigor desde o inicio da pandemia da covid-19, a próxima semana. Así o avanzou este mércores o presidente galego, Alberto Núñez Feijóo.
Ao comezo do debate do estado da autonomía, que se está celebrando no Parlamento galego, Núñez Feijóo explicou que "se ve a luz ao final do túnel" e que Galicia poderá xestionar a pandemia cos "instrumentos" da Lei de Saúde Pública,
"Estamos nunha nova etapa", subliñou o titular da Xunta, que asegurou que "hai ganas de pasar esta páxina, de deixar de sobrevivir para vivir".
Iso si, o dirixente aclarou que isto non significa que o goberno galego "deixe de tomar medidas" xa que, entre outras cuestións, seguirán vixentes as normas relativas ás distancias sociais ou ao uso obrigatorio da máscara en espazos interiores.
A falta de coñecer os detalles sobre esta decisión, o presidente da Xunta quixo lembrar ás 2.463 vítimas mortais da pandemia en Galicia e a todos aqueles que continúan sufrindo os efectos ou secuelas provocados pola enfermidade.
A este respecto, Feijóo anunciou que Galicia erixirá un monumento ás vítimas da covid-19, "que sirva de recordo para as xeracións futuras do que ocurreu e tamén de exemplo por como respondemos".
Relacionadas:
-
A área sanitaria vive unha xornada estable cun único contaxio e 27 casos activos en total
Por Alejandro Espiño |
-
Día sen novos contaxios nunha área sanitaria que xa só ten 26 casos activos
Por Alejandro Espiño |
-
Os contaxios elévanse a seis nun día sen cambios nos casos activos e hospitalizados
Por Alejandro Espiño |