Oubiña valora como un éxito o desenvolvemento das actividades de PonteVerán
Por Redacción
O concelleiro de Xuventude, Alberto Oubiña, valora coma un éxito o desenvolvemento das actividades de PonteVerán.
Pintar un mural, ver morcegos, observar as estrelas, fabricar un robot, foron algunhas das actividades deste programa do Concello de Pontevedra que configura unha oferta cultural e de ocio educativo para a mocidade favorecendo o seu desenvolvemento persoal con valores positivos de inclusión, respecto, creatividade, hixiene, esforzo e igualdade.
Nesta última edición, un total de 288 crianzas foron inscritas para participar nas 22 actividades que estaban programadas. En máis da metade dos obradoiros, a asistencia foi do cen por cen.
"Consideramos moi importante a realización de actividades de ocio para a mocidade nas que ademais de entreter, tamén aprenden novos coñecementos e habilidades", sinala o edil nacionalista.
"O remate do PonteVerán non significa o remate de actividades deste estilo na cidade, senón que xa comezamos coa programación e preparación de ciclos como Pisando Forte, a Escola Feminista para a Mocidade e imos sementando o terreo para Noites Abertas", engadiu Alberto Oubiña.
Según puido constatar o concelleiro de Xuventude nos informes feitos polos técnicos "o éxito non só se traduciu en asistencia, senón que os participantes valoraron moi positivamente todas as actividades e todas as experiencias".
O edil engadiu que "outro elemento a destacarmos, sería a participación tan diversa e equitativa coa que contamos, con case un cincuenta por cento de nenos, e un cincuenta por cento de nenas".
Relacionadas:
-
Regresa a Escola Feminista para a Mocidade, con oito obradoiros de formación, encontro e reflexión colectiva
Por Redacción |
-
Graffitis e natureza mestúranse en Ponteverán arredor do río Gafos e do Camiño Portugués
Por Redacción |
-
Un grupo de rapaces gozan do verán iniciándose na robótica
Por Mónica Patxot |
-
VÍDEO.- A incrible transformación dun muro xunto ao Gafos cun graffiti colaborativo
Por Redacción |
-
O mural organizado por Ponteverán xa loce nas escaleiras de Eduardo Pondal
Por Redacción & Cristina Saiz |
-
Chega Ponteverán, a oferta de lecer para a mocidade, que en 2021 se centra en arte, natureza e tecnoloxía
Por Natalia Puga |