Os casos activos de Covid baixan a 856 tras unha xornada con 38 novos positivos na área sanitaria
Por Diego Espiño
O Servizo Galego de Saúde (Sergas) actualizou este xoves 10 de decembro os datos relativos á pandemia na área Sanitaria de Pontevedra e O Salnés.
Segundo este balance a cifra de casos activos de coronavirus sitúase nos 856, o que supón un descenso de 15 casos con respecto ao mércores. Isto sucede a pesar terse detectado 38 novos positivos, xa que o número de altas epidemiolóxicas é máis elevado ao superar a infección nas últimas horas 53 persoas.
Desde o inicio da alerta sanitaria superaron a Covid un total de 4.948 pacientes da área, rexistrándose 67 falecementos asociados ao virus. Os últimos este mesmo mércores cunha muller de 92 anos no hospital de Montecelo e outra de 85 no QuirónSalud Miguel Domínguez, ambas as residentes do centro de maiores Soremay de Pontevedra.
En canto aos hospitais da comarca manteñen ingresadas a 51 persoas positivas por coronavirus, das que 9 evolucionan na Unidade de Coidados Intensivos e 42 en planta de hospitalización entre o Complexo Hospitalario Universitario de Pontevedra (34), o Hospital do Salnés (5) e o Hospital QuirónSalud Miguel Domínguez (3).
Nas últimas 24 horas procedeuse á realización de 570 test PCR, que se engaden aos 97.911 efectuados con anterioridade.
DATOS DE GALICIA
A nivel autonómico o total de pacientes con infección activa é de 5.795, o que supón un descenso de 232 casos. Deles 321 atópanse hospitalizados en planta (-3) e 50 evolucionan na Unidade de Coidados Críticos (-1).
Nas últimas horas en Galicia confirmáronse 255 contaxios a través de probas PCR e faleceron 6 persoas, o que sitúa en 1.287 o número mortes asociadas á pandemia.
Por áreas sanitarias, Vigo conta con 1.425 casos activos (-74), A Coruña 1.146 (-47), Pontevedra 856 (-15), Santiago 817 (+32), Lugo 591 (-15), Ferrol 596 (=) e Ourense 364 (-13).
Relacionadas:
-
A covid-19 non se contén na área sanitaria, que suma 36 novos positivos e un paciente máis en UCI
Por Natalia Puga |
-
Unha muller de 89 anos, vítima 68 por coronavirus na área sanitaria de Pontevedra e O Salnés
Por Redacción |
-
Elevan a 719 os falecidos en Galicia durante a primera vaga da covid-19
Por Alejandro Espiño |
-
Dúas mulleres, procedentes da residencia Soremay, falecen nas últimas horas en Pontevedra por covid-19
Por Redacción |
-
Pontevedra aínda non cumpre as ratios para poder levantar as restricións sanitarias
Por Oskar Viéitez |
-
A área sanitaria suma 45 novos positivos por Covid pero reduce ata os 871 os seus casos activos
Por Diego Espiño |
-
Tres falecementos no Complexo Hospitalario de Pontevedra elevan a 65 as mortes por covid na área sanitaria
Por Redacción |
-
A área sanitaria mantén 40 pacientes covid en planta e 9 na Unidade de Coidados Críticos
Por Redacción |