Fisioterapia e Belas Artes, as primeiras facultades do campus en facer PCR ao alumnado
Por Redacción
A Universidade de Vigo xa está a desenvolver no campus de Pontevedra as probas PCR que se comprometeu a realizar entre o seu alumnado co obxectivo de controlar a evolución da covid-19.
En Pontevedra foron dous os centros escollidos para acometer os tests masivos PCR sobre saliva: a Facultade de Fisioterapia e a de Belas Artes.
Este xoves, o reitor Manuel Reigosa manifestaba durante unha visita á subdelegada do Goberno en Pontevedra, Maica Larriba, a súa tranquilidade porque "os datos que temos de contaxio son bastante baixos con respecto a outras universidades, especialmente nos campus de Pontevedra e Vigo; hai un pequeno grao maior de incidencia en Ourense, pero en todo caso datos bastante tranquilizadores".
Así mesmo, o reitor lembraba que o cribado realizado a pasada semana ao persoal de administración e servizos (PAS) e ao personal docente e investigador (PDI) deu como resultado cero casos.
En relación coas probas que de xeito semanal se van realizar entre os estudantes ao longo do curso e mentres dure a pandemia, o reitor adiantou que "se van facer entre o alumnado que poida ter algún risco se hai algún alumno na súa aula que tivera un contaxio previo".
Precisamente o desenvolvemento dun sistema propio para controlar a ocupación nas diferentes aulas "polo cal sabemos exactamente os alumnos que están na aula e o tempo que pasan nela. Teñen que 'fichar', digamos, co móbil, o posto físico no que están, co cal podemos, cando se produce un caso positivo, poñer a rede de alerta interna a funcionar", explicaba o reitor.
"Loxicamente neste tempo haberá persoas que estean na universidade que teñan contaxio, pero aspiramos que sexa un lugar absolutamente seguro", manifestaba Reigosa.
Relacionadas:
-
Proban con éxito un tratamento precoz para a incontinencia urinaria en pacientes sen próstata
Por Redacción |
-
Unha rede de biomasa servirá calor ás facultades do campus
Por Alejandro Espiño |
-
A Universidade de Vigo inicia as probas PCR aleatorias ao seu alumnado
Por Oskar Viéitez |
-
A UVigo recibe os seus alumnos con sesións informativas sobre as medidas fronte á Covid e entrega de máscaras
Por Redacción |
-
Farán 200 probas PCR aleatorias semanais ao alumnado da Universidade de Vigo
Por Oskar Viéitez |