Avanzan as obras de construción da senda peonil entre Alba e San Caetano
Por Redacción
A conselleira de Infraestruturas e Mobilidade, Ethel Vázquez, visitou este luns as obras de construción da senda peonil que se están realizando entre as localidades de Alba e San Caetano, no termo municipal de Pontevedra, e que servirán para reforzar a seguridade dos veciños e peregrinos.
Cun investimento que rolda os 700.000 euros, a conselleira destacou que esta intercención contribúe á mellora da contorna da parroquia de Alba e que tamén servirá para conseguir unha mobilidade máis respectuosa co medio ambiente.
O novo itinerario, de 700 metros pola marxe esquerda da PO-225 na maior parte do percorrido, quedará separado da estrada por unha franxa axardinada naquelas zonas nas que sexa posible, mentres que na zona do río construirase unha pasarela metálica superior aos 13 metros. Así mesmo, o proxecto inclúe a modificación dunha curva e a reordenación dun cruzamento existente neste trazado.
As obras comezaron a finais do mes de xullo e desde a consellería aseguran que se están desenvolvendo a bo ritmo e están xa ao 20 % de ejeccción, aínda que aínda faltan os traballos máis laboriosos que son as pavimentacións, a pasarela, a iluminación, a sinalización e a xardinería.
Relacionadas:
-
Alba estrea a súa senda para peóns e peregrinos na zona de San Caetano
Por Alejandro Espiño & Mónica Patxot |
-
Pechan ao tráfico a estrada PO-225 pola última fase das obras da senda peonil entre Alba e San Caetano
Por Redacción |
-
Acometen tarefas de limpeza e conservación no río Rons, en Alba
Por Redacción |
-
Adxudicadas as obras para crear o novo sendeiro peonil entre Alba e San Caetano polo Camiño Portugués
Por Redacción |