Sanxenxo prepara unha nova ordenanza hoteleira buscando a modernización das instalacións
Por Redacción
O goberno local de Sanxenxo ten entre os seus plans promover a aprobación dunha nova ordenanza hoteleira para o municipio.
Trátase dunha regulación urbanística especifica que terá como obxectivo estimular a mellora e modernización das instalacións hoteleiras e a ampliación dos seus servizos.
Cabe lembrar que Sanxenxo, segundo o Instituto Nacional de Estatística (INE), dispón de 167 hoteis de 1 a 4 estrelas situándose como o destino turístico de norte de España con máis prazas (9.931) por diante de cidades de maior poboación como Bilbao (8.154), Santiago de Compostela (7.983), San Sebastián (5.854), A Coruña (5.226) ou Vigo (4.772).
Coa mellora dos servizos, entende o Concello, poderase cubrir a demanda dun turismo cada vez máis esixente e durante os 12 meses do ano.
Esta ordenanza requirirá unha modificación do Plan Xeral de Ordenación Municipal (PXOM) para permitir aumentar a superficie edificable no subsolo, xa que as esixencias da normativa turística autonómica e estatal inclúen unha maior superficie das habitacións, máis prazas de aparcamento, dimensións de baños superiores, montacargas e ascensores de servizos ou accesos independentes de persoal e clientes.
Neste sentido a ordenanza hostaleira ofrecerá a posibilidade de usar o subsolo para acoller servizos complementarios que permitan ampliar a oferta do establecemento, pero que en ningún caso poderase destinar a habitacións.
O que si se permitirá é a posible conversión dun hotel nunha residencia para persoas maiores, segundo confirmou o Concello de Sanxenxo.
Relacionadas:
-
Sanxenxo modifica o seu PXOM para facer "máis eficiente" o seu planeamento
Por Redacción |
-
A capacidade de hospedaxe de Sanxenxo creceu durante a pandemia
Por Oskar Viéitez |
-
Sanxenxo revalida en agosto o seu liderado no norte de España con 147.501 pernoitas
Por Redacción |
-
Rueda reúne en Sanxenxo o Clúster de Turismo de Galicia
Por Oskar Viéitez |
-
Sanxenxo finaliza a tempada alta cunha ocupación media do 54%
Por Redacción |